NOTE: New number for Gauteng 010 065 0881

Ek het regtig los gekom en kon vergewe en vryspreek.

God is ’n God wat ons altyd weer ’n kans gee as ek Hom die kans gee om in my lewe te werk.

Ek het vrede, en al die antwoorde gekry na wat ek gesoek het. Ek het geleer dat dit nie so moeilik is om te vergewe nie.

Ek was gedwing om te kom van Mosambiek, maar dit was awesome. Soveel ou dinge afgesny, mense vergewe, ek voel ’n ton ligter soos ‘n veëtjie. Awesome mense ontmoet! Die Here het my gesond gemaak. Ek weet die Here het my huwelik, besigheid en gesin as geheel al geseën en daar is wonderlike dinge wat met ons besigheid en finansies en gesondheid gaan gebeur! Dankie Here!

Wonderlik om te kan sê ek is ’n kind van die Here! Ek gaan terug as ’n nuwe mens. Ek is bevry en voel ligter. Sal beslis weer kom.

Om opnuut die wonder van alles te ontdek en met nuwe krag en moed die lewe aan te pak.
Dankie aan die Here vir so ’n wonderlike voorreg en sulke pragtige sprekers, leiers en organiseerders.

Vir my so baie beteken, die Here het vir my so baie openbaar oor Sy Woord, Sy liefde,
En die Heilige Gees.
Ek sien myself vandag hoe God my sien, en is so dankbaar vir al die waarheid wat ek ontvang het. Liefde en Blessings

Fantasties. Uitstekend. Kan regtig vir die eerste keer werklik oopmaak en met ander my diepste seer ooit deel.

Die Here het definitief my bevry van al my “issues”. Ek gaan terug as ’n nuwe mens. Ek sal beslis weer kom en nog vriendinne saam bring. Hierdie was ’n “eye opener”.

My storie word ‘n getuienis

Twee weke terug probeer ek selfmoord pleeg. Nie omdat ek regtig wou nie maar omdat ek emosioneel moeg was. Moeg gebaklei vir alles. Soveel leuns het ek geglo.
Daardie nag bid ek vir die 1ste keer tot God. Om jammer te sê omdat ek my eie lewe gaan neem. Dat Hy asb moet verstaan. In daai oomblikke was ek so alleen en hartseer. En niks en niemand het bestaan. Ek het geglo ek sal my oë by Hom oopmaak. Maar 3ure later skrik ek wakker en ek’s siek. Groot was die skok om te sien ek is nog hier. Leweloos lê ek in die bed. Ek bel my Niggie. Binne minute was sy by my asook Dokters en Verpleegsters. Nadat hul vas gestel het wat ek geneem het was dit ‘n gesukkel om are te kry sodat teenmiddels vir my gegee kan word. My Niggie se woorde aan die Dokter was, hoe erg is dit? Gaan sy leef? Sy oë gerig op haar en die antwoord, sy het so baie pille gedrink. Dit gaan haar doodmaak. Ek het saggies gehuil. Ek wou by Jesus wees. My liggaam was aan masjiene gekoppel. Orals is ek gesteek van die naalde. Activated Charcoal is met ‘n pypie in my neus afvorseer reguit na my maag. Orals is bloed. Ek is so moeg. Wil net slaap maar ek mag nie. Almal vat en karring aan my. Op ‘n staduim wou ek die pypie uit my neus ruk. Nie een maal nie maar baie. Vrae het in my kop gemaal. Hoekom wil Jesus my dan nie hê nie. Nadat als in is en werk staan my Niggie langs my, met die woorde, “You will make it”. “You must fight”.
EK het so stukkend en skuldig gevoel. So alleen. Maar God se plan met my lewe was ver van klaar. Ek het nog werk hier op aarde gehad. Die bloed uitslae kom binne ‘n uur terug. Niere en lewer het niks skade nie. Dokter sê dis onmoontlik. Maar by God was dit moontlik. Dieselfde dag is ek ontslaan. Alhoewel my lyf van bloukolle getuig het ken niemand my hart. Die seer.

My Ouers het ook van Port Elizabeth af gery na my asook my Niggie  van Mosselbaai. Al wat ek kon uitkry was dat ek jammer is. My niggie ken gelukkig my hart en sy het verstaan.
In die opvolgende dae het ek liefde en bystand ontvang van mense wat ek gedink het nie lief vir my is nie. My niggie bel my en smeek my om na 'n Woord in Aksie kampte gaan. Eers was die antwoord NEE. Ek het nie lus vir mense nie en ook nie God nie. Sy hou aan en ek gee in.

By die kamp gekom word ons geregistreer. Op my blaai is ‘n Bybelversie. Psalm 32:8-Ek wil jou onderrig en jou leer aangaande die weg wat jy moet gaan; Ek wil raad gee; my oog sal op jou wees. Ek begin harop lag en wys my niggie. Want hier kom ek kamp met een seer oog. Beslis nie toevallig. My plan het nie gewerk nie maar God se plan sal.
'n Kleingroepleier vra my Vrydag aand wat is jou verwagting van die kamp en ek antwoord NIKS. Maar het in my binneste het ‘n storm los gebreek. En ek’s opsoek na antwoorde van God. In die kleingroepies het ek eers net na almal geluister maar later wou ek antwoorde hê. Saterdag aand staan ek voor 'n leier met die woorde: Jy verstaan nie. Sy kon nie want sy ken nie die storie nie. Sy maak die deur toe en ek begin praat. Ek sal nie huil nie. Sy roep toe een van die sprekers. En ons gesels. Ek wil antwoorde hê. Ek wil geregtigheid hê. Maar net daar dop Jesus my om. So op ‘n gentle manier. Ek maak my oë toe en sien waar ek na Hom roep. Voorheen kon ek Hom nooit in die afgryslike prentjies sien nie. Maar die keer was anders. Hy was daar. Hy het knielend by my gesit. So asof Hy na die ongeluk, wat Hy nie kon keer nie omdat mense hulle eie besluite neem, net wou seker maak ek is stabiel en oppad na die Hemelse Hospitaal waar Hy die seer gaan genees. Ek vergewe almal en spreek hulle toe vry. En ek kon hulle sëen. Jesus het my nie antwoorde gegee nie maar 4 awesome beloftes uit Sy Woord. How special is that? Saterdag aand lag ek na weke. Want ek weet nou waar my identiteit lê. Vir die eerste keer in jare is my hart lig. En ek weet soos ek weet dat Jesus my na plekke gaan vat, kinders bereik en kragtig in Sy Koningkryk vir Hom sal werk. Want Sy laaste boodskap aan my is: You are able.

Jesus se blom

Mosselbaai

Ek het voor die kamp nie regtig ’n goeie verhouding/ontmoeting met die Here gehad nie, maar nou het ek. Hierdie naweek het ek eintlik die Gees beleef. Alles was baie lekker. Love julle almal.