NOTE: New number for Gauteng 010 065 0881
default image

GETUIENISSE WOORD IN AKSIE
HUWELIKSKAMP
20 - 22 MAART 2015

1. Wat het die kamp vir my beteken:

Ek hoef nie veel te sê nie, wat ek kan sê is, BAIE dankie vir Tannie en oom dat julle saam God gewerk het, dat God in so verskriklike kort tyd, in n kwessie van ure, my en Henk se lewe kon omdraai, ons het baie geleer en ons sal WIA altyd dankbaar wees dat julle ons na God gelei het. Baie dankie…

Die kamp het baie vrae geantwoord & hoekom ons so verskil oor wat in die verlede gebeur het, bv dit wardeer waar Elsabé was en wat sy moes oopmaak om herstel en Genesing te vind.
Dit het ons oë oop gemaak as ‘n ongetroude paartjie oor die rolle waarin ons van in beheer is. Die hulp en hoof. Ook oor hoe om kinders op te voed. Stel die Huwelikskamp vir alle ongetroudes voor.

Ons is al 4 jaar getroud en het Des laas jaar op skei gestaan. Al wat ek kan sê is dat die keer het die kamp ons huwelik letterlik gered. Ons moes eers hard en vol seer aan gegaan het om te besef sonder God is ons huwelik leeg, hard en moeilik.
Dankie God dat ek en my siels maat saam op die 20ste Maart 2015 weergebore is, en saam besluit het die keer doen ons dit reg!!

Ek het sonder my man Huwelikskamp toe gekom, hy wou nie saamkom nie, want hy dink ons huwelik is “fine”. Hy wil nooit saam met my kerk toe gaan nie. Ek het gekom om te hoor wat ek kan doen om myself nader aan my man te bring en het opnuut moed gekry om die Here so te dien en uit te leef, dat my man honger sal word vir God. Ek borrel en loop oor.

Ons verbond is herbevestig. Wonderlik, daar is ‘n gebroke wêreld daar buite wat bedien moet word. Ons is die sleutel tot die volgende generasie en moet ons verantwoordelikheid met Goddelike deernis opneem.

Verstaan die verbond beter in verhouding deur God na die man en vrou.
Die lesse het ons net weer herinner wat die huwelik beteken. Ons is 20 jaar getroud en mens verloor die passie in die huwelik en hierdie kamp het ons huwelik net weer bemoedig.
Baie dankie aan almal se liefde – mag God Woord in Aksie net seën.

Dit was ‘n groot “eye opener”, nuwe motivering in my geplaas, hart en siel.

Ek het dinge geleer wat ek nog nooit in my lewe geweet het van God en ‘n verhouding nie.
Ek’t nooit die leiding gehad nie, maar ek weet my leiding is God, niemand anders nie. Ek het ‘n idee gehad van hoe dinge moet wees, maar nooit verstaan nie. God is groot en goed. Hy gaan my paadjie reguit maak.

Met die eerste Huwelikskamp wat ons bygewoon het, was dit geweldig baie inligting om deur te werk en nou met die tweede kamp, kon ons kyk of ons die beginsels van die vorige kamp toegepas het en of ons gegroei het. Ek sal aanalmal aan beveel om die Huwelikskampe meer as een keer by te woon, want jysien letterlik die groei van kamp tot kamp.

Die kamp het ons baie insig gegee in ons huwelik, wat moes verander en waar ons verkeerd gegaan het. Dit is vir ons wonderlik om al hierdie kennis nou reeds te kan besit – ons is nou eers 2 jaar getroud.

Die kamp het baie beteken vir ons. Dit was opbouend, bemoedigend, ons het deurbraak gekry in ons lewe vir 2 dinge / aspekte waar ons van die spoor af was/ wat gekrap het.
Ook net om in die teenwoordigheid van die Here te wees bring ‘n rustigheid in ons gemoed. Ons het baie wysheid opgedoen hierdie naweek. Baie Dankie!

Kamp het vrede in my hart gebring, wetende dat ek en my mam baie het om aan te werk. En dat daar vir ons ondersteuning is, al is die kamp verby.

Die kamp het my meer kalmte in my hart gegee. Hopelik sal dit help om al hoe meer vrede en gemoedsrus vir my te bring. Dankie

March 24, 2015

default image

Baie dankie vir 'n lewensverreikende naweek!

May 8, 2014

default image

Ek het voor die kamp nie regtig ’n goeie verhouding/ontmoeting met die Here gehad nie, maar nou het ek. Hierdie naweek het ek eintlik die Gees beleef. Alles was baie lekker. Love julle almal.

June 12, 2014

default image

Johann Breedt, my man, is een en ’n half jaar gelede oorlede. Hy was toegewyd betrokke by WIA. Ek het ervaar dat die Here stuur my dié naweek... die Here het tydens ’n Vryspraak lering my kom wys Hy het my genees van die verlies... ek het nie opgestaan vir gebed nie, maar terwyl ander bedien word, speel die Here dié lied waarop ek en Johann getroud is. Só bonatuurlik wys die Here my, dit was Hy wat ons huwelik bepaal het... en ook nóú HY wat my hartseer en verlange genees het.

June 12, 2014

default image

Ek het regtig los gekom en kon vergewe en vryspreek.

God is ’n God wat ons altyd weer ’n kans gee as ek Hom die kans gee om in my lewe te werk.

February 5, 2015

default image

Ek het vrede, en al die antwoorde gekry na wat ek gesoek het. Ek het geleer dat dit nie so moeilik is om te vergewe nie.

February 5, 2015

default image

GETUIENISSE WOORD IN AKSIE
VROUEKAMP
17-19 OKTOBER 2014

1. Wat het die kamp vir my beteken:
Mal oor beklee jou man – elke jong huwelik moet dit bywoon! Geleer om bande in ou lewe te breek! Dankie! Was wonderlik.

Ek het gekom met ’n hart vol twyfel en seer, maar tog met opgewondenheid en hoop. Ek het al my seer en twyfel en verwyt agter gelos, weggebreek daarvan en deur die Bloed van Jesus is ek bevry. Ek het die kans gehad om mense te vergewe en ook vergifnis gevra. Die Here het my na waters van rus en kalmte gelei in Sy arms van liefde toegevou. Prys die Here vir al sy werke. Amen.

Geestelike groei, ongelooflike positiewe emosies ervaar. Gaan gevoed huis toe. Openbaring in veral lesing 6 ontvang. My man het sy werk, pensioen en alles waarvoor hy vir 40 jaar gewerk het verloor en ek het nie besef hoe ongelooflik swaar hy kry nie. So dankbaar dat ek kan teruggaan en vergifnis vra vir die feit dat ek nie sensitief was vir sy vernedering en verlies nie. Ek wil graag in die Naam van Jesus en deur Sy genade dit regmaak.

Ek kon my verkragter in my kinderjare vergewe, nou kan ek met die liefde van God die pad loop om ‘n beter mens te word. Nou wil ek en my kind die Here dien. Ek glo en vertrou die Here sal iemand in my lewe bring wat ook na aan die Here leef om die leemte in my en my kind se lewe te vul.

Reminded me of how passionate we must be about God in every day living, not only when we have time. Then all things will fall into place.

Baie besonders. Dit was my eerste kamp en God het hierdie afspraak met my gehad sodat Hy deur gehoorsame dames ge-inspireerd deur die Heilige Gees tot my gees kon spreek. Ek kon bevryding en oorwinning kry van goed waarmee satan my tot in ’n mate beperk het. Ek het duisternis geruil vir Lig. God se Lig, Pys die Here.

’n Wonderlike, vreugdevolle huistoe gaan vir my nadat ek die vrag van onvergifnis kon afruk en vergewe. Prys die Here. Ook die lesing oor Beklee jou man het my laat wens ek kon die tyd terugdraai en my verhouding met my man verbeter. Persoon van die Heilige Gees was “wow” laat my besef hoe doof ek was vir Sy influistering.

Die kamp het my verhouding met die Here vas gemaak, ek kan nou huis toe gaan as ’n rein vrou en my man help deur sy stryd.

Die kamp het God se liefde vir my oopgemaak. Dat niks onmoontlik is nie. Dat ek spesiaal vir God is.

Van voor af hoop gekry en ’n doel gekry om te lewe. Om die dooie te laat gaan en te fokus op my pad vorentoe met God. Vergifnis, hoe om saad te ontvang.

My versie Ps 32:8 het ek vir Vader gevra om my te rig en te leer en Hy het dit vir my kom bevestig. “Ek wil jou onderrig en jou leer aangaande die weg wat jy moet gaan; My oog sal op jou wees.” Hoe kosbaar is dit nie.

Ek het toerusting ontvang om losgekoop/vrygekoop te lewe! Die afgesonderde tyd maak dit baie spesiaal! Dit is baie kosbaar!

Deure wat ek nie kon toekry nie, is nou toe en ek kan aanbeweeg. Ek kan nie wag om nog vriendinne te bring nie!

Before comming I was at a place where I was confused, filled with fear and other sins. This weekend I learnt to have a more real and better connection with God. I met empowering women who encouraged me to want to seek God more. I am excided about trusting God and living out the Bible and getting to know my Bible well.

So baie dinge! Ek het klaar gemaak met depressie! Ek het mense vergewe en vrygespreek. Ek het my huwelik aan God opgedra en kon vra dat Hy ingryp. Dit voel of ek ’n swaar las hier agter laat. My “baggage” bly hier!

October 24, 2014

default image

Ek het gekom vir een spesifieke doel, maar stap met twee keer meer hier weg as waarvoor ek gevra het. Die Here het my in oorvloed geseën op hierdie kamp.

June 12, 2014

default image

GETUIENISSE
WOORD IN AKSIE MANNEKAMP
03-05 OKTOBER 2014

1. Wat het die kamp vir my beteken:

God het my kom vrymaak van vrees. Ek het weer nuwe visie en my verhouding met God is weer reg.

Die kamp het vreeslik baie vir my beteken. Geleer om nederig te wees. God te vra wat Hy wil hê ons moet doen en getrou en gehoorsaam aan Hom te wees.

Ek en my seun het nader aan mekaar gekom en ek wil meer leer bid.

Vandat ek 10 jaar gelede hier was, het my verhouding met my vrou so verbeter. My seuns 16,17 jaar en ek voel dat hulle nie meer ’n goeie verhouding met my het nie. Ek wil ook nie meer baklei nie, dit dryf hulle net verder weg. Ek het die leiding ontvang om weer die Hoof van die huis te wees, en hulle op die regte manier te benader met die hulp van ons Hemelse Vader en ek glo die Heilige Gees sal saam met my wees om weer die regte verhouding met hulle te kan hê. Ek is so bly ek is gelei om die naweek hier te kon wees.

Ek het my hart oopgemaak vir die Here. Ek kan dinge vir ander sê wat swaar op my skouers gelê het. Ek kan dit op hierdie kamp afgooi en as ’n nuwe, meer selvertroue liefdevolle mens huistoe keer. Die Here werk werklik in mense se harte op hierdie kamp. Amen.

Ek was reeds wedergebore maar die lewe het my gedruk tot ek gevoel het ek staan teen ’n afgrond. Die kamp het net weer die Here se hart teenoor my geopenbaar en my moed en krag gegee om weer voort te gaan. Dit was ’n wonderlike ervaring om ’n samekoms van mans te beleef waar daar geen oordeel uitgespreek word nie, geen kyke nie, maar net ’n hart van liefde en verstaan en ondersteuning. Prys die Here!

Die kamp het my geleer waaroor die lewe regtig gaan en hoekom ons hier op aarde is. Ons is hier om ’n liefdesverhouding met God te hê.

Het baie geleer en kan nie wag om by die huis te kom en die vrou en kinders te sien en dadelik met verbeterings te begin met die NUWE Hoof van die huis.

Ongelooflike ervaring. Verander lewens en vernuwe ’n mens opnuut. Die kamp dien sy doel ten opsigte van sy oogmerke.

Om weer ’n sterk verhouding met Jesus te hê – en baie belangrik dit is om tyd in die Woord te spandeer.

Ek het gekom om ’n beter/meer intieme verhouding met God te hê en ek het baie waarhede geleer. Die Here is soos ’n chirurg en stukkie vir stukkie sny Hy die dinge uit ons lewe sodat ons kan word soos wat Hy ons wil hê en dit is die volmaakte waarvoor Hy ons geskape het.

October 24, 2014

default image

Ek was gedwing om te kom van Mosambiek, maar dit was awesome. Soveel ou dinge afgesny, mense vergewe, ek voel ’n ton ligter soos ‘n veëtjie. Awesome mense ontmoet! Die Here het my gesond gemaak. Ek weet die Here het my huwelik, besigheid en gesin as geheel al geseën en daar is wonderlike dinge wat met ons besigheid en finansies en gesondheid gaan gebeur! Dankie Here!

June 12, 2014